பேருந்து நிலையம் அமைக்க கோரிக்கை

சிவகங்கை மாவட்டம் திருப்புவனம் மக்கள் பல ஆண்டுகளாக பேருந்து நிலையத்துக்காக காத்துக்கொண்டு இருக்கின்றனர். இந்த ஆண்டுக்கான பட்ஜெட்டில் பேருந்து நிலையம் பற்றி அறிவிப்பு வரும் என்று எதிர்பார்த்திருந்த நிலையில், அது அறிவிக்கப்படாததால் மக்கள் ஏமாற்றம் அடைந்துள்ளனர். பேருந்து நிலையம் அமைந்தால், திருப்புவனத்தைச் சுற்றியுள்ள கிராமங்களில் இருந்து வரும் மக்களுக்குப் பேருந்துகளில் ஏறிச் செல்லவும், இறங்கவும் வசதியாக இருக்கும்.
மேலும், கடைகளுக்குச் செல்வதற்கும், பள்ளி மற்றும் கல்லூரிகளுக்குச் செல்வதற்கும், மருத்துவமனைக்குச் செல்வதற்கும் எளிதாக இருக்கும்.
எனவே, திருப்புவனம் மக்களின் நீண்ட நாள் கோரிக்கையான பேருந்து நிலையத்தை அரசு உடனடியாக அமைக்க வேண்டும் என்று மக்கள் ஆட்சியரக பகுதியில் கோரிக்கை வைத்துள்ளனர்.