தெப்பக்குளம் பகுதியில் அறங்காவலர்கள் பதவி ஏற்பு நிகழ்ச்சி

சிவகங்கை மாவட்டம் இந்து சமய அறநிலையத்துறை கொல்லங்குடி அருள்மிகு வெட்டுடையார் காளியம்மன் கோவில் நிர்வாகத்திற்குட்பட்ட சிவகங்கை தெப்பக்குளம் பகுதியில் உள்ள அருள்மிகு கெளரிவிநாயகர் திருக்கோயில் அறங்காவலர் தலைவர் மற்றும் அறங்காவலர்கள் பதவி ஏற்பு நிகழ்ச்சி கெளரி விநாயகர் ஆலயத்தில் மாவட்ட இந்து சமய அறநிலையத் துறை துணை ஆணையர் கூடுதல் பொறுப்பு சங்கர் தலைமையில் நடைபெற்றது.

அறங்காவலர் குழு தலைவராக ஆனந்திஆனந்த் அறங்காவலர்களாக கே. ஆர். வைத்தியநாதன், ஜெ. செந்தில்ராணி, மு. ஹரிபாஸ்கர், கா. வீரகாளை MC ஆகியோர் பொறுப்பேற்றுக் கொண்டார்கள். இவர்களுக்கு இணை ஆணையர் கூடுதல் பொறுப்பு சங்கர் பதவி பிரமாணம் செய்து வைத்தார். முன்னதாக செயல்அலுவலர் கோ. நாராயணிஆய்வர் கு. சுகன்யா ஆகியோர் முன்னிலையில் உறுதிமொழி எடுத்துக் கொண்டார்கள். இந்த நிகழ்ச்சியில் சிவகங்கை நகர்மன்ற தலைவர் சி. எம். துரை. ஆனந்த், உள்ளிட்ட ஏராளமான பொதுமக்கள் கலந்து கொண்டார்கள். முன்னதாக கெளரி விநாயகருக்கு சிறப்பு பூஜை வழிபாடுகள்இன்று மாலை சுமார் ஐந்து மணி வரை நடைபெற்றது.