புதுக்குளம் கிராமத்தில் விவசாயிகள் போராட்டம்

சிவகங்கை மாவட்டம் மானாமதுரை அருகே புதுக்குளம் கிராமம் அமைந்துள்ளது, இந்த கிராமத்தில் உள்ள விவசாய நிலங்களுக்கு பாத்தியப்பட்ட கண்மாயில் உள்ளது, இந்த கண்மாய் தற்போது பெய்த மழையினால் 80 சதவீதம் நிறைந்துள்ளது, கண்மாய் நிரை நம்பி தற்போது 400 ஏக்கருக்கு மேல் நெல் பயிரிடப்பட்டுள்ளது, இந்நிலையில் இந்த கிராமத்திற்கு அருகேயுள்ள அரசகுளம் கிராமத்தை விவசாயிகள்
நேற்று இரவு கண்மாய் தண்ணீர் கொண்டு போவதற்காக யாருக்கும் தெரியாமல் ராட்சத குழாய்களை கொண்டு வந்து கண்மாய் கரையில் போட்டுள்ளனர், இதனை அறிந்த புதுக்குளம் கிராம மக்கள் குழாய் பதிப்பதற்கு எதிர்ப்பு தெரிவித்து போராட்டத்தில் ஈடுபட்டனர் மேலும் எங்கள் கிராமத் தண்ணீரை யாரும் கொண்டு செல்ல அனுமதிக்க மாட்டோம், எங்களுக்கே தண்ணீர் பற்றாமல் உள்ளது என்று கூறி கிராம மக்கள் கண்மாய் கரையில் அமர்ந்து போராட்டத்தில் ஈடுபட்டனர்,
தகவல் அறிந்து சம்பவ இடத்திற்கு வந்த காவல்துறையினர் கிராம மக்களிடம் பேச்சுவார்த்தைகளில் ஈடுபட்டனர் அப்பொழுது காவல்துறையினர் வட்டாட்சியரிடம் சென்று முறையிடுங்கள் தீர்வு கிடைக்கும் என்று கூறவே போராட்டக்காரர்கள்இன்று மாலை சுமார் ஐந்து முப்பது மணியளவில் கலைந்து சென்றனர்.