சிவகங்கை: தமிழ்நாடு நுகர்பொருள் வாணிப கழகத்தின் சார்பில் போட்டிகள்

சிவகங்கை மாவட்டம், தமிழ்நாடு நுகர்பொருள் வாணிப கழகத்தின் சார்பில் 21-வது உள்மண்டல விளையாட்டு போட்டிகள்-2024 தொடர்பான விளையாட்டு போட்டிகள், மாவட்ட ஆட்சித்தலைவர் ஆஷா அஜித், அவர்களின் அறிவுரையின்படி, மாவட்ட வருவாய் அலுவலர் எஸ். செல்வசுரபி அவர்கள் முன்னிலையில், சிவகங்கை மாவட்ட விளையாட்டு மைதானத்தில் நடைபெற்றது.

ஆண்டுதோறும் பல்வேறு பிரிவுகளில் முதலமைச்சர் கோப்பைக்கான பல்வேறு விளையாட்டு போட்டிகளையும் தமிழகத்தில் சிறப்பாக நடத்தி வருகிறார்கள். அதில், குறிப்பாக அரசு அலுவலர்களுக்கான விளையாட்டு போட்டிகளையும் நடத்தி, அதன் வாயிலாக புதிய உத்வேகத்துடன் புத்துணர்ச்சியும் ஏற்படுத்திடும் வகையில், விளையாட்டு போட்டிகள் அடிப்படையாக திகழ்கிறது. மேலும், அரசின் பல்வேறு துறைகளின் சார்பில் துறை ரீதியாக அரசு அலுவலர்களுக்கான பல்வேறு விளையாட்டு போட்டிகள் நடத்திட அரசால் அறிவுறுத்தப்பட்டதன் அடிப்படையில், தமிழ்நாடு நுகர்பொருள் வாணிபக் கழகத்தின் சார்பில், மண்டலங்களுக்கிடையேயான 2024-ஆம் ஆண்டிற்கான, 21-வது மாநில அளவிலான உள்மண்டல விளையாட்டு போட்டிகள் நடத்திட அறிவுறுத்தப்பட்டது.

அதன்படி, முதற்கட்டமாக கடந்த 28. 09. 2024 மற்றும் 29. 09. 2024 ஆகிய தேதிகளில் தஞ்சாவூர் மண்டலத்தில் எறிபந்து (Throw Ball), கபடி (Kabadi) மற்றும் கைபந்து (Volley Ball) ஆகிய விளையாட்டு போட்டிகளும், நடைபெற்றுள்ளன.