சிவகங்கைக்கு செப். 10-ல் உதயநிதி வருகை

சிவகங்கை மாவட்டத்தில் செப். 10-ம் தேதி அமைச்சர் உதயநிதி சுற்றுப் பயணம் செய்து பல்வேறு நிகழ்ச்சிகளில் பங்கேற்கிறார்.
இதுகுறித்து அமைச்சர் கே. ஆர். பெரியகருப்பன் கூறிய தாவது: செப். 10-ம் தேதி சிவகங்கை வரும் உதயநிதி காலை 10 மணிக்கு மாவட்ட விளையாட்டு மைதானத்தில் முதல்வர் கோப்பை விளையாட்டுப் போட்டிகளை தொடங்கி வைக்கிறார். காலை 10. 30 மணியளவில் மாவட்ட ஆட்சியர் அலுவலத்தில் அரசு திட்டப் பணிகள் குறித்து அதிகாரிகளுடன் ஆய்வு செய்கிறார். பிற்பகல் நகரம் பட்டியில் சுதந்திர போராட்ட வீரர் வாளுக்குவேலி அம்பலம் நினைவு மண்டபம், சிராவயலில் ஜீவா நினைவு மண்டபம் கட்டுமானப் பணிகளை ஆய்வு செய்கிறார். மாலை 4. 30 மணிக்கு காரைக்குடி அழகப்பா பல்கலைக்கழக வளாகத்தில் விளையாட்டு உபகரணங்கள், நலத்திட்ட உதவிகள் வழங்குகிறார். மாலை 6 மணிக்கு கீழடி அகழ் வைப்பகத்தை பார்வையிடுகிறார். இரவு மதுரை செல்கிறார்.
முன்னதாக காலை 9 மணிக்கு மதுரையிலிருந்து கார் மூலம் சிவகங்கைக்கு வரும் உதயநிதிக்கு பூவந்தியில் மாவட்ட திமுக சார்பில் சிறப்பான வரவேற்பு அளிக்கப்படும். இவ்வாறு அவர் கூறினார்.