எடப்பாடி பழனிசாமிக்கு Z+ பாதுகாப்பு

அதிமுக பொதுச்செயலாளரும், எதிர்க்கட்சித் தலைவருமான எடப்பாடி பழனிசாமிக்கு Z+ பாதுகாப்பு வழங்கி மத்திய உள்துறை அமைச்சகம் உத்தரவிட்டுள்ளது. ஏற்கெனவே Y+ பாதுகாப்பில் உள்ள இபிஎஸுக்கு தற்போது Z+ பிளஸ் பாதுகாப்பு வழங்கப்பட்டுள்ளது அரசியல் அரங்கில் கவனத்தை ஈர்த்துள்ளது. 

வரும் சட்டமன்றத் தேர்தலில் (2026) பாஜக தலைமையிலான தேசிய ஜனநாயகக் கூட்டணிக்கு தமிழகத்தில் அதிமுக தலைமை தாங்குகிறது. இதனால், இபிஎஸ்ஸுக்கு வழங்கப்படும் மத்திய அரசின் Z+ பாதுகாப்பு இந்திய அரசியலில், குறிப்பாக தமிழக அரசியலில் தாக்கத்தை ஏற்படுத்தியுள்ளது. கூட்டணியை வலுவான பிணைப்புடன் கட்டமைக்க இது ஒரு யுக்தியோ?