சேலம்: மாநகராட்சி கமிஷனர் பெயரில் போலி வலைதளம்
சேலம் மாநகராட்சி கமிஷனர் ரஞ்சித் சிங் சமீபத்தில் புது பஸ் ஸ்டாண்ட் பகுதிகளில் கடைகளின் ஆக்ரமிப்புகளை அகற்ற நடவடிக்கை எடுத்தார். இந்த நிலையில் அவரது பெயரில் இன்ஸ்டாகிராம், எக்ஸ் தளங்களில் போலி கணக்கு தொடங்கப்பட்டு அதில் மாநகராட்சி கமிஷனர் புகைப்படத்துடன் பணம் அனுப்பி வைக்கவும் என்ற வாசகங்கள் இடம் பெற்றுள்ளன. இதை அறிந்த மாநகராட்சி கமிஷனர் ரஞ்ஜீத்சிங் சேலம் மாநகர போலீஸ் உயரதிகாரி சந்தித்து புகார் தெரிவித்தார். தொடர்ந்து என் பெயரில் தொடங்கப்பட்டுள்ள போலி கணக்குகளை முடக்கி அதை தொடங்கியவர்கள் மீது நடவடிக்கை எடுக்க வேண்டும் என சேலம் சைபர் கிரைம் போலீசில் நேற்று மாநகராட்சி கமிஷனர் ரஞ்சித் சிங் புகார் அளித்தார். இது குறித்து போலீசார் விசாரணை நடத்தி வருகின்றனர்.
