சேலம்: கஞ்சா விற்பனை செய்த சிறுவன்
சேலம் அன்னதானப்பட்டி போலீசாருக்கு ஒன்பதாம் பாளையம் என்ற இடத்தில் கஞ்சா விற்பனை நடப்பதாக கிடைத்த ரகசிய தகவலின் பேரில் போலீசார் அங்கு சென்று தீவிர கண்காணிப்பில் ஈடுபட்டனர். அப்போது அங்கு வந்த மணியனூரை சேர்ந்த போஸ் (24), தாதகாப்பட்டியை சேர்ந்த மணிரத்தினம் (22), மற்றும் 17 வயதான சிறுவன் ஆகியோரை பிடித்து விசாரித்தனர். அவர்களிடம் மூன்று பொட்டலம் கஞ்சா இருந்தது கண்டுபிடிக்கப்பட்டது. மேலும் 15 கிராம் எடையுள்ள கஞ்சாவை பறிமுதல் செய்த போலீசார் மூன்று பேரையும் கைது செய்தனர். மேலும் இவர்களுக்கு கஞ்சாவை விற்பனை செய்த தாதகாப்பட்டியை சேர்ந்த கார்த்திக் என்பவரை போலீசார் தேடி வருகின்றனர்.
