சேலத்தில் குட்கா விற்ற வாலிபர் கைது

சேலம் டவுன் போலீஸ் சப்-இன்ஸ்பெக்டர் மஞ்சுளா தலைமையில் போலீசார் நேற்று சேலம் கோட்டை பள்ளி அருகே ரோந்து பணியில் ஈடுபட்டனர். அங்கு சந்தேகப்படும்படி நின்ற வாலிபரை பிடித்து விசாரணை நடத்தினர்.

அப்போது அவர் சேலம் நிலவாரப்பட்டியை சேர்ந்த விஜய் (வயது 29) என்பது தெரியவந்தது. அவர் வைத்திருந்த பையை சோதனை செய்தபோது, விற்பனைக்காக குட்கா வைத்து இருப்பது தெரிந்தது. இதையடுத்து போலீசார் அவரை கைது செய்தனர். மேலும் அவர் வீட்டில் வைத்திருந்த 60 கிலோ குட்காவை போலீசார் பறிமுதல் செய்தனர்.