பெரியார் சிலைக்கு எடப்பாடி பழனிசாமி மாலை அணிவித்து மரியாதை

சேலம் மாநகர் மாவட்ட அ.தி.மு.க. செயலாளர் ஜி. வெங்கடாஜலம் விடுத்துள்ள அறிக்கையில் கூறியிருப்பதாவது: -

பெரியாரின் 146-வது பிறந்தநாளை முன்னிட்டு நாளை (செவ்வாய்க்கிழமை) காலை 9 மணிக்கு சேலம் கலெக்டர் அலுவலகம் அருகில் உள்ள அவருடைய உருவ சிலைக்கு சேலம் மாநகர் மாவட்ட அ.தி.மு.க. சார்பில் மாலை அணிவித்து மரியாதை செலுத்தும் நிகழ்ச்சிக்கு ஏற்பாடு செய்யப்பட்டு உள்ளது. இதில் அ.தி.மு.க. பொதுச்செயலாளரும், முன்னாள் முதலமைச்சருமான எடப்பாடி பழனிசாமி கலந்து கொண்டு பெரியார் உருவச்சிலைக்கு மாலை அணிவித்து மரியாதை செலுத்துகிறார்.

எனவே இந்த நிகழ்ச்சியில் கட்சி நிர்வாகிகள், நாடாளுமன்ற, சட்டமன்ற உறுப்பினர்கள், பகுதி, வார்டு செயலாளர்கள், மாவட்ட நிர்வாகிகள், சார்பு அணி நிர்வாகிகள், ஒன்றிய செயலாளர்கள், உள்ளாட்சி பிரதிநிதிகள் உள்ளிட்ட அனைவரும் கலந்து கொள்ள வேண்டும். முன்னதாக பெரியார் சிலைக்கு மாலை அணிவிக்க வரும் பொதுச்செயலாளர் எடப்பாடி பழனிசாமிக்கு உற்சாக வரவேற்பு அளிக்கப்பட உள்ளது. இவ்வாறு அதில் அவர் கூறியுள்ளார்.