உழவர்சந்தை காய்கறிகள் பூக்கள்பழங்கள்27 லட்சத்திற்குவிற்பனை

சேலம் மாவட்டம், ஆத்தூர் புதுப்பேட்டையில் உழவர் சந்தையில் ஆயுத பூஜையை முன்னிட்டு அதிகாலை முதலே பூக்கள், பழங்கள் உள்ளிட்ட காய்கறி வாங்க பொதுமக்கள் குவிந்ததால் விவசாயிகள் மகிழ்ச்சி அடைந்துள்ளனர். மேலும் ஆயுத பூஜையை முன்னிட்டு வாழைப்பழங்கள் மாலைகள், வெள்ளை பூசணி தேங்காய் உள்ளிட்ட பொருட்கள் வாங்க ஆத்தூர் சுற்றுவட்டார பகுதியில் இருந்து ஏராளமான பொதுமக்கள் உழவர் சந்தையில் குவிந்தனர் உழவர் சந்தையில் ஆயுத பூஜை முன்னிட்டு காய்கறிகள் மற்றும் பழங்கள் விற்பனை ஜோராக நடைபெற்றது. பல்வேறு பகுதியிலிருந்து 219 விவசாயிகள் 78 வகையான காய்கறிகள் பூக்கள் மலர்கள் என 58 டன் பொருட்களை விற்பனைக்காக கொண்டு வந்திருந்தனர். இதில் 27, லட்சத்தி 52, ஆயிரத்து 065 ரூபாய்க்கு விற்பனை நடைபெற்றது. ஒரே நாளில் பதினோராயிரத்திற்கு மேற்பட்ட பொதுமக்கள் காய்கறிகளை வாங்க உழவர் சந்தையில் குவிந்தனர்.