ராமேஸ்வரம் மீனவர்கள் 17 பேர் இலங்கை கடற்படையினரால் கைது

கச்சத்தீவு அருகே மீன்பிடித்துக் கொண்டிருந்த ராமேஸ்வரத்தைச் சேர்ந்த தமிழக மீனவர்களை 2 படகுடன் இலங்கை கடற்படை சிறைபிடித்துச் சென்றனர்.

ராமேஸ்வரத்தைச் சேர்ந்த மீனவர்கள் 17 பேரை எல்லை தாண்டி மீன்பிடித்ததாக கூறி இலங்கை கடற்படையினர் கைது செய்துள்ளது பெரும் பரபரப்பை ஏற்படுத்தியுள்ளது. கச்சத்தீவு அருகே கடல் பகுதியில் மீன்பிடித்து கொண்டிருந்த ராமேஸ்வரம் மீனவர்கள் 17 பேரை இலங்கை கடற்படையினர் கைது செய்து, அவர்களிடம் இருந்த 2 படகுகளையும் பறிமுதல் செய்து சிறைபிடித்து அழைத்து சென்றுள்ளனர்
மீனவர்கள் எல்லைத்தாண்டி மீன் பிடித்ததாகக் கூறி இலங்கை கடற்படையினர் தொடர்ந்து தமிழக மீனவர்களை கைது செய்யும் போக்கு அதிகரித்துள்ளது. மீனவர்கள் தொடர்ந்து பல கட்ட போராட்டங்கள் நடத்தியும், மாநில அரசும், மத்திய அரசும் மீனவர்களின் பிரச்சனைக்கு நிரந்தர தீர்வு காண முன்வரவில்லை. இந்நிலையில், ராமேஸ்வரத்தைச் சேர்ந்த தமிழக மீனவர்கள் 17 பேரை இலங்கை கடற்படையின் சிறைப்பிடித்து கைது செய்துள்ளது பெரும் அதிர்ச்சியை ஏற்படுத்தியுள்ளது