மாலை 7 மணி வரை 7 மாவட்டங்களில் மழை

மேற்கு திசை காற்றின் வேக மாறுபாடு காரணமாக, இன்று (ஜூலை. 06) தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்திருந்தது. இந்நிலையில் இன்று மாலை 7 மணி வரையில் நீலகிரி, திண்டுக்கல், தேனி, தர்மபுரி, கிருஷ்ணகிரி, திருவள்ளூர், தென்காசி ஆகிய 7 மாவட்டங்களில் மிதமான மழைக்குக்கு வாய்ப்புள்ளதாக கூறப்பட்டுள்ளது.