பள்ளியில் ஆசிரியரை தாக்கிய வாலிபர் மீது புகார்
புதுக்கோட்டை: ஆலங்குடி அருகே உள்ள வெண்ணாவல்குடியில் அரசு மேல்நிலைப் பள்ளி உள்ளது. இதில் நேற்று(செப்.21) மாலை நேரத்தில் பிளஸ் 1, பிளஸ் 2 மாணவ, மாணவிகளுக்கு சிறப்பு வகுப்பு நடந்தது. அப்போது வாலிபர் ஒருவர் பள்ளி கழிவறை வெளியே அமர்ந்து மாணவ, மாணவிகள் ஆசிரியர்களை விசில் அடித்து கிண்டல் செய்துள்ளார். இச்சம்பவம் குறித்து பள்ளி தலைமை ஆசிரியர் கோவிந்தன் நேற்று(செப்.21) ஆலங்குடி போலீசில் புகார் கொடுத்தார். அதில் சிறப்பு வகுப்பு நடக்கும் போது மாணவிகளை கேலி செய்தது மற்றும் தட்டிக்கேட்ட ஆசிரியரை தாக்கியதாக வெண்ணாவல்குடி முருகேசன் (22) மீது புகார் செய்தார். இது குறித்து, ஆலங்குடி போலீசார் வழக்குப் பதிந்து விசாரிக்கின்றனர்.
