ஊட்டி: பாத்திரங்களை கழுவும் மாணவியர்
ஊட்டி நகரின் மையப்பகுதியில், அரசு உதவி பெறும் பிலோமினா துவக்க பள்ளியில் பல மாணவியர் படித்து வருகின்றனர். சீ ருடையில் இருக்கும் சில மாணவியர் சமையல் பாத்திரங்களை கழுவும் காட்சி, நேற்று சமூக வலைதளத்தில் வைரலானது. இதனை பார்த்த கல்வி துறையினர், சம்பந்தப்பட்ட பள்ளி நிர்வாகத்தை அழைத்து விசாரணை நடத்தி வருகின்றனர். இது குறித்து அதிகாரிகள் கூறுகையில், சமூக வலைதளத்தில் ஓடிய காட்சிகளை வைத்து விசாரணை நடந்து வருகிறது. இந்த விசாரணை முடிந்த பின் உரிய நடவடிக்கை எடுக்கப்படும் என்றனர்.
