‘3 பேர் கொலை’.. சிபிஐ விசாரணை கோரும் அண்ணாமலை

திருப்பூர் மாவட்டம் பல்லடம் அடுத்த சேமலைகவுண்டம்பாளையம் பகுதியைச் சேர்ந்த தெய்வசிகாமணி (78), அவரது மனைவி அலமாத்தாள் (75), மகன் செந்தில்குமார் (46) ஆகியோர் படுகொலை செய்யப்பட்டனர். மேலும், வீட்டில் இருந்த 8 பவுன் நகையையும் கொள்ளை அடித்துச் சென்றனர். பாதிக்கப்பட்ட குடும்பத்தினரை பாஜக மாநில தலைவர் அண்ணாமலை நேரில் சந்தித்து ஆறுதல் கூறினார். இந்த நிலையில், மூவர் படுகொலை செய்யப்பட்டது தொடர்பாக, சி.பி.ஐ., விசாரணை நடத்தப்பட வேண்டும் என வலியுறுத்தியுள்ளார்.