உசிலம்பட்டி: புதிய எம்எல்ஏ கட்டிடம் கட்ட பூமி பூஜை.

மதுரை மாவட்டம் உசிலம்பட்டி சட்டமன்ற உறுப்பினர் அலுவலக கட்டிடம் 20 ஆண்டுகளுக்கு முன்பு கட்டப்பட்டது. இந்த அலுவலக கட்டிடம் சிதிலமடைந்து மேற்கூரை இடிந்து விழுந்து வந்தது.
இந்த நிலை குறித்தும், புதிய சட்டமன்ற உறுப்பினர் அலுவலகம் கட்டித்தர கோரி கோரிக்கை வைக்கப்பட்ட நிலையில் எம்எல்ஏ நிதி 21 லட்சம், தமிழ்நாடு அரசின் நிதி 49 லட்சம் என 70 லட்சத்தில் புதிய கட்டிடம் கட்ட நிதி ஒதுக்கப்பட்டது.
பழைய கட்டிடம் இடிக்கப்பட்டு, இன்று (ஜூலை. 5) உசிலம்பட்டி எம்எல்ஏ அய்யப்பன் தலைமையில் புதிய கட்டிடம் கட்ட பூமி பூஜை செய்து பணிகள் துவங்கப்பட்டது.