பிளஸ் 2 பொது தேர்வில் முறைகேடு - 9 பேர் கைது

தமிழகத்தில் கடந்த 2023-ஆம் ஆண்டு மாா்ச் மாதம் பிளஸ் -2 பொதுத்தோ்வுகள் நடைபெற்றன. அப்போது, மதுரையில் உள்ள ஒரு தனியாா் பள்ளியில் தோ்வு எழுதிய 2 மாணவா்களின் விடைத்தாள்களின் கையெழுத்துகள் ஒரே மாதிரியாக இருந்தது கண்டறியப்பட்டது.


இதையடுத்து, தொடா்புடைய ஒரு மாணவரின் தந்தை, தனது மகனின் தோ்வு முடிவுகளை வெளியிட உத்தரவிடக்கோரி சென்னை உயா்நீதிமன்ற மதுரை அமா்வில் மனு தாக்கல் செய்தாா். மனுவை விசாரித்த நீதிபதி, இதுகுறித்து சிபிசிஐடி போலீஸாா் விசாரணை மேற்கொண்டு அறிக்கை தாக்கல் செய்ய உத்தரவிட்டாா்.

இந்த அலுவலகத்தில் பணியாற்றும் கண்காணிப்பாளா் பிரபாகரன், இளநிலை உதவியாளா் கண்ணன் , ஆய்வக உதவியாளா் காா்த்திக்ராஜா , கணினி ஆசிரியா் பரமசிவம் ஆகிய 4 போ், முறைகேடு புகாருக்குள்ளான மாணவா்களின் பெற்றோா்களான மதுரை கலைவாணன் தெருவை சோ்ந்த இளஞ்செழியன் , அவரது மனைவி வனிதா , டி. வி. எஸ். நகரைச் சோ்ந்த விநாயகமூா்த்தி , அவரது மனைவி காா்த்திகா, புகாருக்கு உள்ளான ஒரு மாணவா் என மொத்தம் 9 பேரை சிபிசிஐடி போலீஸாா் கைது செய்தனா்.

விடைத் தாளை மாற்றி முறைகேடு செய்வதற்காக கல்வித் துறை ஊழியா்கள் ரூ. 1 லட்சம் வரை கையூட்டு பெற்றிருப்பதாக சிபிசிஐடி போலீஸாரின் விசாரணையில் தெரியவந்தது.

கைதான இளஞ்செழியன், தமிழ்நாடு குடிநீா் வடிகால் வாரியத்தில் உயா் அலுவலராகப் பணியாற்றி வருகிறாா்.