வர்த்தக பயன்பாட்டுக்கான LPG சிலிண்டர் விலை உயர்வு

வர்த்தக பயன்பாட்டுக்கான எரிவாயு சிலிண்டர் விலை இன்று (மார்ச் 01) உயர்ந்துள்ளது. மாதந்தோறும் முதல் தேதியில் சிலிண்டர் விலையை எண்ணெய் நிறுவனங்கள் மாற்றியமைத்து வருகின்றன. அந்த வகையில் இன்று சென்னையில் 19 கிலோ எடை கொண்ட சிலிண்டரின் விலை ரூ.5.50 உயர்ந்து ரூ.1,965-க்கு விற்பனை செய்யப்படுகிறது. 14 கிலோ எடை கொண்ட வீட்டு உபயோக சிலிண்டர் விலை மாற்றம் ஏதும் இன்றி ரூ.818.50-க்கு விற்கப்படுகிறது. இதன் மூலம் உணவகங்கள், தேனீர் கடைகளில் உணவுகளின் விலையில் மாற்றம் செய்யப்பட வாய்ப்புள்ளது.