கிருஷ்ணகிரி: பள்ளி மாணவிக்கு பாலியல் தொல்லை.. ஓட்டுனர் கைது
கிருஷ்ணகிரி மாவட்டம் ஓசூர் வட்டம், மத்திகிரி அருகே உள்ள கிராமத்தைச் சேர்ந்த 14 வயது சிறுமி அந்தப் பகுதியில் உள்ள பள்ளியில் 9-ஆம் வகுப்பு படித்து வருகிறார். கடந்த 8-ஆம் தேதி மாலை டூவீலரில் வந்த நபர் சிறுமியிடம் முகவரி கேட்பது போல் பேசி அவருக்கு பாலியல் தொல்லை கொடுத்ததாக கூறப்படுகிறது. இதுகுறித்து அந்தச் சிறுமி பள்ளி தலைமை ஆசிரியரிடம் கூறினார். பள்ளி தலைமை ஆசிரியர் ஓசூர் அனைத்து மகளிர் காவல் நிலையத்தில் புகார் கொடுத்தார். போலீசார் விசாரணை நடத்தியதில் சிறுமிக்கு பாலியல் தொல்லை கொடுத்தது ஓசூர் அருகே உள்ள சித்தனப்பள்ளி பகுதியைச் சேர்ந்த வாகன ஓட்டுநர் பிரகாஷ் (43) என்பது தெரியவந்தது. இதை அடுத்து அவர் மீது போலீசார் போக்சோ சட்டத்தின் கீழ் வழக்குப் பதிவு செய்து அவரைக் கைது செய்தனர்.
