தேன்கனிக்கோட்டை அருகே இறந்து கிடந்த டிரைவர்
சேலம் பெத்தநாயக்கன்பாளையம் அடுத்துள்ள கல்லேரிப்பட்டி வடக்கு தெருவை சேர்ந்தவர் பழனிசாமி(55) டிராக்டர் டிரைவர். விவசாய பணிக்காக கர்நாடகாவிற்கு சென்று விட்டு பின்னர் ஊர் திரும்பிய போது கிருஷ்ணகிரி மாவட்டம் தேன்கனிக்கோட்டை அருகேயுள்ள பென்னங்கூர் பகுதியில் தங்கியிருந்த பழனிசாமி நேற்று முன்தினம்(நவம்பர் 16) அந்த பகுதியில் உள்ள முனீஸ்வரன் கோயில் பின்புறத்தில் மயங்கிய நிலையில் கிடந்தார். அவரை அருகில் இருந்தவர்கள் மீட்டு தேன்கனிக்கோட்டை அரசு மருத்துவமனைக்கு அனுப்பினர். அவரை பரிசோதித்த மருத்துவர் அவர் இறந்து விட்டதாக தெரிவித்தார். இதுகுறித்து தேன்கனிக்கோட்டை போலீசார் விசாரணை மேற்கொண்டு வருகின்றனர்.
