கிருஷ்ணகிரி: கண்டெடுக்கப்பட்ட அம்மன் சிலையை அதிகாரிகளிடம் ஒப்படைப்பு
கிருஷ்ணகிரி மவட்டம் தேன்கனிக்கோட்டை அருகே உள்ள பாலதொட்டனப்பள்ளி பகுதியில் பழமையான தொட்டம்மா, சிக்கம்மா கோவில் உள்ளது. இந்த கோவில் வளாகத்தில் நேற்று முன்தினம் மரக்கன்றுகள் நடுவதற்கு அந்த பகுதியில் பொதுமக்கள் குழி தோண்டிய போது அங்கு இரண்டு அடி உயர ஐம்பொன் அம்மன் சிலை மற்றும் சூலாயுதம் கிடைத்தது. அதை கோவிலில் வைத்து பொதுமக்கள் வழிபட்டனர். பின்னர் அந்த அம்மன் சிலை, சூலாயுதத்தை தேன்கனிக்கோட்டை துணை வட்டாட்சியர் சுபாஷினியிடம் நேற்று பொதுமக்கள் ஒப்படைத்தனர். இதை அடுத்து அந்த சிலையை தாசில்தார் சார்நிலை கருவூலத்தில் அதிகாரிகளிடம் ஒப்படைத்தார்.
