நல்லூர்: ரூ. 10 லட்சம் மதிப்பிலான பட்டாசுகள் பறிமுதல்
கிருஷ்ணகிரி மாவட்டம், நல்லூர் அருகே பேகேப்பள்ளி சின்னார் ஏரி அருகே ஒரு குடோனில் அனுமதியின்றி பட்டாசுகளை பதுக்கி வைத்திருப்பதாக அதிகாரிகளுக்கு தகவல் கிடைத்தது. இதை அடுத்து வி. ஏ. ஒ. கோபி மற்றும் நல்லூர் போலீசார் அந்த குடோனில் நேற்று முன்தினம்(அக்.27) சோதனை செய்தனர். அந்த குடோனில் 600 கிலோ அளவுக்கு மட்டுமே பட்டாசுகள் வைக்க அனுமதிக்கப்பட்ட நிலையில் அதை மீறி 33 ஆயிரம் கிலோ கூடுதலாக வைத்திருந்தது தெரியவந்தது. அவற்றை போலீசார் பறிமுதல் செய்தனர். அதன் மதிப்பு ரூ. 10 லட்சம் ஆகும். இதை வைத்திருந்ததாக ஓசூர் பெத்த எலசகிரியை சேர்ந்த சந்திரசேகர ரெட்டி (45) என்பவர் மீது போலீசார் வழக்குப்பதிவு செய்து விசாரணை நடத்தி வருகிறார்கள்.
