பர்கூர் அருகே மூதாட்டியை மிரட்டி நகை பறித்த தம்பதி கைது
கிருஷ்ணகிரி மாவட்டம் சின்ன பர்கூர் கொரலசின்னப்பசெட்டி தெருவை சேர்ந்தவர் உஷாராணி (65). தனியாக வசித்து வருகிறார். நேற்று முன்தினம்(நவம்பர் 21) இரவு மர்ம நபர்கள் மூதாட்டி வீட்டுக்கு வந்தனர். அவர்கள் திடீ ரென உஷாராணியிடம் கத்தியை காட்டி மிரட்டி பீரோவில் வைத்திருந்த நகை, கழுத்தில் அணிந்திருந்த பத்து பவுன் நகை மற்றும் வெள்ளிப்பொருட்களை எடுத்துச் சென்றனர். இதுகுறித்து புகாரின் பேரில் பர்கூர் போலீசார், விசாரணை நடத்தியதில் திருப்பத்தூர் மாவட்டம் பச்சூரை சேர்ந்த நாகப்பன் (26) இவருடைய மனைவி தமிழ்ச்செல்வி (19) உள்பட 4 பேர் மூதாட்டியை கத்திமுனையில் மிரட்டி நகையை பறித்துச் சென்றது தெரியவந்தது. இதை அடுத்து தம்பதிகளான நாகப்பன், தமிழ்ச்செல்வி ஆகிய 2 பேரையும் போலீசார் கைது செய்தனர். மேலும் தலைமறைவாக உள்ள 2 பேரை வலைவீசி தேடி வருகின்றனர்.
