டூவீலர்கள் நேருக்கு நேர் மோதல் கணவன், மனைவி, மகள் படுகாயம்.

சுப்பண்ணா ஹோட்டல் அருகே டூவீலர்கள் நேருக்கு நேர் மோதல் கணவன், மனைவி, மகள் படுகாயம்.

கரூர் மாவட்டம், புலியூர்,
பி. வெள்ளாளப்பட்டி, ஹவுசிங் போர்டு பகுதியைச் சேர்ந்தவர் சதீஷ் வயது 35.

இவரது மனைவி நந்தினி வயது 34. இவர்களது மகள் நந்தனா வயது 13.

இவர்கள் 3 பேரும் ஜூலை 23ஆம் தேதி இரவு 10 மணியளவில், சேலம் - கரூர் சாலையில் அவர்களது டூவீலரில் சென்று கொண்டு இருந்தனர்.


இவரது வாகனம் சுப்பண்ணா ஹோட்டல், மேம்பாலம் அருகே செல்லும்போது,


எதிர் திசையில், நாமக்கல் மாவட்டம், சேந்தமங்கலம், மருதமுத்து தெருவை சேர்ந்த முபாரக் அலி வயது 33 என்பவர் வேகமாக ஓட்டி வந்த மற்றொரு டூவீலர், சதீஷ் ஓட்டி சென்ற டூவீலர் மீது நேருக்கு நேராக மோதி விபத்து ஏற்பட்டது.

இந்த விபத்தில் வாகனத்துடன் கீழே விழுந்த சதீஷ், அவரது மனைவி நந்தினி, மகள் நந்தனா ஆகிய மூவருக்கும் பலத்த காயங்கள் ஏற்பட்டதால், உடனடியாக அவர்களை மீட்டு, தனியார் ஆம்புலன்ஸ் மூலம் கரூரில் உள்ள அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர்.

இந்த சம்பவம் தொடர்பாக சதீஷ் அளித்த புகார் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், டூவீலரை வேகமாகவும், கவன குறைவாகவும் ஓட்டி விபத்து ஏற்படுத்திய முபாரக் அலி மீது வழக்கு பதிவு செய்துள்ளனர் கரூர் மாநகர காவல் துறையினர்.