களியக்காவிளை: டாஸ்மாக் கடை மூட கேட்டு எம் எல் ஏ  உண்ணாவிரதம்

களியக்காவிளை அருகே கோழிவிளை டாஸ்மாக் மதுக்கடை மற்றும் பாரை நிரந்தரமாக  மூடக்கோரி கிள்ளியூர் சட்டமன்ற தொகுதி காங்கிரஸ் கட்சி சார்பில் கடந்த 09-03-2024 அன்று கோழிவிளை டாஸ்மாக் கடைக்கு பூட்டு போடும் போராட்டமும், 29-07-2024 திங்கட்கிழமை முதல்  கோழிவிளை சந்திப்பில் மாபெரும் தொடர் உண்ணாவிரத போராட்டம் நடைபெற்றது.  
      அப்போது அதிகாரிகள்  பேச்சுவார்த்தை நடத்தி மேற்கண்ட டாஸ்மாக் கடையை ஒரு மாதத்திற்குள் மூடிவிடுவோம் என்று எழுத்து பூர்வமாக கடிதம் வழங்கப்பட்டது. ஆனாலும் இதுவரையும் இந்த டாஸ்மாக் கடையை மூடவில்லை.
       கோழிவிளை டாஸ்மாக் மதுக்கடையை மூட எந்த நடவடிக்கையும் எடுக்காதகாரணத்தால் மீண்டும் இப்பகுதி மக்களோடு இணைந்து  20-11-2024 இன்று காலை முதல்  கோழிவிளை சந்திப்பில் கிள்ளியூர் சட்டமன்ற தொகுதி காங்கிரஸ் கட்சி சார்பில் மாபெரும் தொடர் உண்ணாவிரத போராட்டம் நடைபெற்று வருகிறது.

          போராட்டத்தில் கிள்ளியூர் எம் எல் ஏ ராஜேஷ்குமார்,   குமரி மேற்கு மாவட்ட காங்கிரஸ் கமிட்டி தலைவர் டாக்டர் பினுலால்  மற்றும் காங்கிரஸ் கட்சியின் நிர்வாகிகள், பொதுமக்கள் உட்பட ஏராளமானோர் கலந்து கொண்டுள்ளனர்.