காஞ்சி: பிப்.8-ல் வேலை வாய்ப்பு முகாம்..

சென்னையில் பிப். 8-ஆம் தேதி வேலைவாய்ப்பு முகாம் நடைபெறவுள்ளது. இது குறித்து மாவட்ட ஆட்சியர் வெளியிட்ட செய்திக் குறிப்பில் கூறப்பட்டுள்ளதாவது:

வேலைவாய்ப்பு மற்றும் பயிற்சித் துறையின் கீழ் இயங்கும் சென்னை மாவட்ட வேலைவாய்ப்பு மற்றும் தொழில்நெறி வழிகாட்டும் மையம் சார்பில் தனியார் துறை வேலைவாய்ப்பு முகாம் சனிக்கிழமை (பிப். 8) மாதவரத்திலுள்ள புனித அன்னாள் கலை மற்றும் அறிவியல் கல்லூரியில் காலை 8 முதல் பிற்பகல் 3 மணி வரை நடைபெறவுள்ளது. தொழிலாளர் நலன் மற்றும் திறன் மேம்பாட்டுக் துறை அமைச்சர் சி.வி.கணேசன் தொடங்கி வைக்கிறார்.

இம்முகாமில், 200-க்கும் மேற்பட்ட நிறுவனங்கள் கலந்துகொண்டு 20,000-க்கும் மேற்பட்ட காலிப்பணியிடங்களுக்கு தகுதியுடையவர்களை தேர்வு செய்யவுள்ளனர்.

இந்த முகாமில், 8-ஆம் வகுப்பு தேர்ச்சி முதல் பட்டப்படிப்பு வரை உள்ள அைனைத்து தகுதியுள்ள நபர்களும் கலந்துகொள்ளலாம். மேலும், இதில் தமிழ்நாடு திறன் மேம்பாட்டுக் கழகத்தின் இலவச திறன் மேம்பாட்டு பயிற்சிகளுக்கான பதிவு, மாவட்ட தொழில் மையத்தின் தொழில்முனைவோர்களுக்கான ஆலோசனைகள், மாவட்ட முன்னோடி வங்கியின் மூலம் வங்கிக் கடன் வழிகாட்டுதல்களுக்கான ஆலோசனைகளும் மேற்கொள்ளப்படவுள்ளன.

மேலும், இம்முகாமில் கலந்துகொள்ள விருப்பம் உள்ளவர்கள் சென்னை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தினை நேரிலோ அல்லது https://forms.gle/qsZbxrrSn547L9ep7 எனும் இணையதளம் மூலமாகவோ தங்களது விவரங்களை பதிவு செய்து பயன்பெறலாம். இவ்வாறு கூறப்பட்டுள்ளது.