கள்ளக்குறிச்சி: சிறப்பு மருத்துவ பரிசோதனை முகாம்

கள்ளக்குறிச்சி அரசு மருத்துவக் கல்லூரி மருத்துவமனையில், மாற்றுத்திறனாளிகளுக்கு மருத்துவச் சான்றுடன் கூடிய தேசிய அடையாள அட்டை வழங்குவதற்காக சிறப்பு மருத்துவப் பரிசோதனை முகாம் நடந்தது. மாவட்ட மாற்றுத்திறனாளிகள் நலத்துறை அலுவலர் அந்தோணிராஜ் தலைமை தாங்கினார். அரசு எலும்பு முறிவு மருத்துவர் கார்த்திகேயன், காது, மூக்கு, தொண்டை மருத்துவர் கணேஷ்ராஜா, மனநல மருத்துவர் ஜெயசீலன், கண் மருத்துவர் சுரேஷ்குமார், முடநீக்கியல் வல்லுநர் பிரபாகரன் உள்ளிட்ட மருத்துவ குழுவினர் முகாமில் கலந்துகொண்ட 61 மாற்றுத்திறனாளிகளுக்கு பரிசோதனை செய்யப்பட்டது. அதில் தகுதிவாய்ந்த, 31 பேருக்கு தேசிய அடையாள அட்டை வழங்கப்பட்டது.