ஹாக்கி இந்தியா லீக்: தமிழ்நாடு டிராகன்ஸ் படுதோல்வி

ஹாக்கி இந்தியா லீக் போட்டி ஒடிசாவில் உள்ள ரூர்கேலாவில் தொடங்கி நடைபெற்று வருகிறது. இதில் நேற்றிரவு நடந்த 3-வது லீக் ஆட்டத்தில் சூர்மா ஆக்கி கிளப்- தமிழ்நாடு டிராகன்ஸ் அணிகள் மோதின. இதில் சூர்மா கிளப் 4-1 என்ற கோல் கணக்கில் தமிழ்நாடு டிராகன்ஸ் அணியை பதம்பார்த்து வெற்றியுடன் தொடங்கியது. மற்றொரு ஆட்டத்தில் ஷராச்சி ரார் பெங்கால் டைகர்ஸ் 3-2 என்ற கோல் கணக்கில் ஐதராபாத் டூபான்சை வீழ்த்தியது. இன்று இரவு 8.15 மணிக்கு உ.பி. ருத்ராஸ் - வேதாந்தா கலிங்கா லான்சர்ஸ் அணிகள் மோதுகின்றன.