கோர விபத்து: மதிமுக நிர்வாகி உள்பட 3 பேர் பலி

மதுரை மாவட்டம் மேலூர் அருகே சிட்டம்பட்டி சுங்கச்சாவடியில் நின்று கொண்டிருந்த லாரி மீது கார் மோதியதில், மதிமுக நிர்வாகி உள்பட 3 பேர் பரிதாபமாக உயிரிழந்தனர். சென்னையில் நடைபெற்ற கட்சி நிகழ்ச்சி ஒன்றில் பங்கேற்றுவிட்டு வீடு திரும்பியபோது ஏற்பட்ட விபத்தில், மதிமுக தொண்டர் அணி அமைப்பாளர் பச்சமுத்து, அமல்ராஜ், புலிசேகர் உயிரிழந்தனர். இதையடுத்து, விபத்து குறித்து வழக்குப்பதிவு செய்த போலீசார் விசாரணை மேற்கொண்டு வருகின்றனர்.