ஈரோட்டில் மாநில தடகள போட்டிகள் தொடக்கம்

மாநில அளவில் பள்ளி, கல்லுாரி மாணவ, மாணவியருக்கான ஜூனியர் தடகள சாம்பியன்ஷிப் போட்டி ஈரோடு வ.உ.சி. பூங்கா மைதானத்தில் நேற்று(செப்.20) தொடங்கியது. போட்டிகள் 14, 16, 18 மற்றும் 20 வயதுக்குட்பட்ட பிரிவுகளில் நடந்தது. நீளம் தாண்டுதல், உயரம் தாண்டுதல், பல்வேறு பிரிவுகளில் ஓட்டம், தொடர் ஓட்டம், தத்தி தாவுதல், வட்டு, ஈட்டி, குண்டு எறிதல் உள்ளிட்ட பல்வேறு போட்டிகள் நடத்தப்பட்டன.

தமிழகத்தின் அனைத்து மாவட்டங்களிலும் இருந்து 3,500க்கும் மேற்பட்ட மாணவ, மாணவிகள் கலந்து கொண்டனர். நேற்றைய போட்டியில் வெற்றி பெற்றவர்களுக்கு மாலையில் பரிசளிப்பு விழா நடந்தது. போட்டிகள் இன்று, நாளையும் நடக்கிறது. போட்டிகளில் முதல் 2 இடங்களை பிடிக்கும் மாணவ, மாணவியர் தேசிய அளவிலான தடகள போட்டியில் பங்கேற்பர்.