ஈரோடு: அடையாளம் தெரியாத பெண் உடல் மீட்பு போலீசார் விசாரணை
ஈரோடு மாவட்டம், நம்பியூர் அருகே உள்ள எலத்தூர், செம்மாண்டபதி வாய்க்கால் பாலம் அருகில் பெண் சடலம் கிடப்பதாக கடத்தூர் போலீசாருக்கு தகவல் கிடைத்தது. அதன் பேரில் போலீசார் சம்பவ இடத்திற்கு சென்று உடலை மீட்டு சோதனையிட்டனர். அப்போது சடலமாக மீட்கப்பட்ட பெண்ணுக்கு சுமார் 50 வயது இருக்கும் என்பதும், மீன்கள் அரித்த நிலையில் உடல் இருந்ததும் தெரிய வந்தது. மேலும் அவர் யார்? எந்த ஊரைச் சேர்ந்தவர்? என்பது உள்ளிட்ட விவரங்கள் தெரியவில்லை. இதுகுறித்து கடத்தூர் போலீசார் வழக்கு பதிவு செய்து விசாரித்து வருகின்றனர்.
