நம்பியூர் அருகே கனமழையால் போக்குவரத்து பாதிப்பு

ஈரோடு மாவட்டம் நம்பியூர் அருகே உள்ள வேமாண்டம்பாளையம் பொதுப்பணித்துறைக்கு சொந்தமான 66 ஏக்கர் பரப்பளவில் குளம் உள்ளது. கடந்த சில நாட்களாகவே திருப்பூர் ஈரோடு மாவட்ட எல்லை பகுதிகளில் அதிக அளவு மழை பெய்து வருகிறது. இதனால் நம்பியூர் மற்றும் அதன் சுற்றுவட்டார பகுதியில் உள்ள குளங்கள் வேகமாக நிரம்பி வருகின்றன. இந்நிலையில் திருப்பூர் மாவட்டம் தத்தனூர், புஞ்சை தாமரைக்குளம் உள்ளிட்ட பல்வேறு பகுதிகளில் பெய்த கனமழையால் வேமாண்டம்பாளையம் குளத்திற்கு அதிக அளவு நீர்வரத்து இருந்தது. இதனால் வேமாண்டம்பாளையம் குளம் இந்த ஆண்டில் இரண்டாவது முறையாக நிரம்பி உபரி நீர் வெளியேறி வருகிறது. இதனால் நம்பியூர் - புளியம்பட்டி சாலையில் போக்குவரத்து துண்டிக்கப்பட்டுள்ளது.