அவசியமின்றி வெளியே செல்ல வேண்டாம் - அரசு எச்சரிக்கை

அவசியமின்றி வெளியே செல்ல வேண்டாம் என தமிழ்நாடு அரசு எச்சரித்துள்ளது. இதுகுறித்து தமிழ்நாடு மாநில பேரிடர் மேலாண்மை ஆணையம் வெளியிட்டுள்ள அறிக்கையில், "புயல் கரையைக் கடக்கும் போது கனமழைக்கும், புயல் காற்றுக்கும் வாய்ப்புள்ளதால், பொதுமக்கள் அனைவரும் அத்தியாவசியத் தேவை தவிர இதர பணிகளுக்காக வெளியில் வருவதைத் தவிர்க்கவும். குறிப்பாக கடற்கரை, பொழுதுபோக்கு பூங்காக்கள், கேளிக்கை நிகழ்ச்சிகளுக்கு செல்வதை தவிர்க்க வேண்டும்" என அறிவுறுத்தியுள்ளது.