கூட்டணி கட்சிகளை விமர்சிக்க வேண்டாம்: இபிஎஸ் அறிவுறுத்தல்

திமுக, பாஜக தவிர மற்ற கூட்டணியில் உள்ள கட்சிகளை விமர்சிக்க வேண்டாம் என அதிமுகவினருக்கு அக்கட்சியின் பொதுச் செயலாளர் எடப்பாடி பழனிசாமி அறிவுறுத்தியுள்ளார். சென்னை ராயப்பேட்டையில் நடந்த மாவட்ட செயலாளர்கள் கூட்டத்தில் அவர் இதனை தெரிவித்துள்ளார். திமுக கூட்டணியில் உள்ள விசிக, காங்கிரஸ், இடதுசாரிகள் உள்ளிட்ட எந்த கட்சிகளையும் விமர்சிக்க வேண்டாம் என்று கூறியதாக தெரிகிறது. 2026 சட்டமன்ற தேர்தல் கூட்டணியை பலமாக அமைக்க இபிஎஸ் திட்டமிட்டு வருகிறார்.