செம்பினால் ஆன அஞ்சனக்கோல் மற்றும் ஆணிகள் கண்டுபிடிப்பு

புதுக்கோட்டை மாவட்டம் பொற்பனைக்கோட்டை அகழாய்வில் செம்பினால் ஆன அஞ்சனக்கோல் மற்றும் ஆணிகள் கண்டெடுக்கப்பட்டுள்ளது. அரண்மனைத் திடலில் செங்கல் கட்டுமானங்களும் கண்ணாடி மணிகள், பச்சைக்கல் மணி, கண்ணாடி வளையல்கள், இரும்பு ஆணிகள் போன்ற தொல்பொருட்களும் கிடைக்கப்பெற்றன. மேலும், கண்ணிற்கு மைத்தீட்டுவதற்குப் பயன்படுத்தப்படும் 3 செ. மீ நீளமுள்ள செம்பினால் ஆன அஞ்சனக்கோல் ஒன்றும் கிடைத்திருக்கிறது என அமைச்சர் தங்கம் தென்னரசு எக்ஸ் பதிவில் தெரிவித்துள்ளார்.