கடனை திரும்ப செலுத்தாத ஆசிரியைக்கு ஓராண்டு சிறை

திண்டுக்கல் அங்கு நகரை சோ்ந்தவா் பாண்டி (69). இவரது உறவினா் மாலா (56). இவா் நிலக்கோட்டை அருகேயுள்ள அரசு கள்ளா் தொடக்கப் பள்ளியில் தலைமையாசிரியை ஆகப் பணிபுரிந்து வருகிறாா். கடந்த 2021-ஆம் ஆண்டு, பாண்டியிடம் மாலா ரூ. 4 லட்சம் கடன் பெற்றாா். சில மாதங்களில் திரும்பத் தருவதாகக் கூறிய அவா் அதன்படி தரவில்லை. இதனால், அதிருப்தி அடைந்த பாண்டி, திண்டுக்கல் முதலாவது குற்றவியல் நீதித் துறை நடுவா் மன்றத்தில் வழக்குத் தொடுத்தாா். இதை விசாரித்த நீதித் துறை நடுவா் பிரியா, மாலாவுக்கு ஓராண்டு சிறை தண்டனை விதித்தாா். மேலும், பாண்டிக்கு ரூ. 4 லட்சத்தை மாலா வழங்க வேண்டும் என்றும் உத்தரவிட்டாா்.