திண்டுக்கல்: பொதுமக்களுக்கு விழிப்புணர்வு ஏற்படுத்திய அம்பாத்துரை போலீசார்

திண்டுக்கல் மாவட்ட எஸ். பி. பிரதீப் உத்தரவின் பேரில் திண்டுக்கல் ஊரக உட்கோட்ட துணை காவல் கண்காணிப்பாளர் திரு. சிபி சாய் சௌந்தர்யன் அவர்களின் வழிகாட்டுதலின் பேரில் அம்பாத்துரை காவல் நிலைய ஆய்வாளர் திருமதி மீனாட்சி, சார்பு ஆய்வாளர் அருண் பிரசாத் மற்றும் காவலர்கள் நிலைய எல்லைக்கு உட்பட்ட தொப்பம்பட்டி பகுதியில் பொதுமக்களிடையே விழிப்புணர்வு ஏற்படுத்தும் வகையில் விழிப்புணர்வு கூட்டம் நடைபெற்றது.

இந்த விழிப்புணர்வு கூட்டத்தில் போதைப் பொருட்கள் பயன்படுத்துவதால் ஏற்படும் தீமைகள் குறித்தும், சைபர் கிரைம் குற்றங்கள் பற்றியும், குழந்தைகளுக்கு கல்வி கொடுப்பதன் அவசியம் குறித்தும் பொதுமக்களிடையே விழிப்புணர்வு ஏற்படுத்தினர்.