திண்டுக்கல்: அரசு மாணவா் விடுதிகளில் ஆய்வு

திண்டுக்கல் மாவட்டத்தில் பிற்படுத்தப்பட்டோர், மிகப் பிற்படுத்தப்பட்டோர், சீர்மரபினர், சிறுபான்மையினர் மாணவ, மாணவிகளுக்கென மொத்தம் 49 விடுதிகள் செயல்பட்டு வருகின்றன. இதில் பள்ளி மாணவர்களுக்கு 28 விடுதிகள், பள்ளி மாணவிகளுக்கு 14 விடுதிகள், கல்லூரி, பொலிடெக்னிக்கிலும் மாணவர்களுக்கு ஓர் விடுதி, மாணவிகளுக்கு 6 விடுதிகள் செயல்படுகின்றன. 

இதேபோல், ஆதிதிராவிடர் நலத் துறை சார்பில் பள்ளி மாணவர்களுக்கு 24 விடுதிகள், மாணவிகளுக்கு 13 விடுதிகள், கல்லூரி மாணவர்களுக்கு 3 விடுதிகள், மாணவிகளுக்கு 2 விடுதிகள் என மொத்தம் 42 விடுதிகள் செயல்படுகின்றன. கள்ளர் சீரமைப்புத் துறை சார்பில், மாணவர்களுக்கு 5 விடுதிகள், மாணவிகளுக்கு 2 விடுதிகள் என 7 அரசு கள்ளர் விடுதிகள் செயல்படுகின்றன. 

இதுதவிர கொடைக்கானல், கீழ்மலைப் பகுதியில் உறைவிடப் பள்ளிகளும் செயல்பட்டு வருகின்றன. இதில் பள்ளி விடுதிகளில் 4 முதல் 12-ஆம் வகுப்பு வரை பயிலும் மாணவ, மாணவிகளுக்கும், கல்லூரி விடுதிகளில் பட்டப்படிப்பு, பட்டமேற்படிப்பு, பாலிடெக்னிக்குகளில் பயிலும் மாணவ, மாணவிகளுக்கும் சேர்க்கை அளிக்கப்படுகிறது. அரசு மாணவியர் விடுதிகளில் மாவட்ட ஆட்சியர் சரவணன் திடீர் ஆய்வு மேற்கொண்டார்.