பென்னாகரம்: மது பானங்களை பதுக்கி விற்ற வாலிபர் கைது
தர்மபுரி மாவட்டம் நல்லம்பள்ளி வட்டத்துக்கு உட்பட்ட இண்டூர் அருகே உள்ள கும்பலப்பாடி கிராமத்தில் மதுபானம் பதுக்கி வைத்து விற்பனை செய்வதாக இண்டூர் காவலர்களுக்கு தகவல் கிடைத்தது. இதைத் தொடர்ந்து உதவி காவல் ஆய்வாளர் சரவணன் தலைமையிலான காவலர்கள் அப்பகுதியில் சோதனை நடத்தினர். அப்போது அங்கு வீட்டில் மதுபாட்டில்கள் பதுக்கி வைத்து விற்பனை செய்து வந்த பூவரசன் வயது 29 என்பவரை காவலர்கள் நேற்று நவம்பர் 10 மாலை கைது செய்தனர். அவரிடமிருந்து 27 மதுபாட்டில்களை பறிமுதல் செய்தனர். மேலும் அவர் மீது வழக்கு பதிவு செய்து விசாரணை மேற்கொண்டு வருகின்றனர்.
