தர்மபுரி: இன்ஸ்டாகிராம் காதலனுடன் சென்ற மாணவி மீட்பு

தேனி மாவட்டத்தைச் சேர்ந்த 17 வயது சிறுவனுக்கும், தர்மபுரியை சேர்ந்த 15 வயது பள்ளி மாணவிக்கும், இன்ஸ்டாகிராம் மூலம் பழக்கம் ஏற்பட்டது. தொடர்ந்து இருவரும் செல்போனில் தொடர்பு கொண்டு பேசி வந்த நிலையில், நாளடைவில் காதலாக மாறியது. இந்நிலையில், கடந்த 2 நாட்களுக்கு முன், வீட்டில் இருந்த மாணவி திடீரென மாயமானார். இதுகு றித்து அவரது பெற்றோர், தர் மபுரி நகர பி1 காவல் நிலையத்தில் புகார் அளித்தனர். அதன்பேரில் காவலர்கள் வழக்கப்பதிந்து விசாரணை நடத்தியதில், மாணவி இன்ஸ்டாகிராம் காதலனுடன் தேனியில் இருப்பது தெரியவந்தது. இதையடுத்து காவலர்கள் தேனி சென்று, இருவரையும் தர்மபுரிக்கு அழைத்து வந்தனர். பின்னர், அறிவுரைகள் கூறி மாணவியை பெற்றோருடன் அனுப்பி வைத்தனர். மேலும் இன்று அந்த சிறுவன் மீது போக்சோ பிரிவின் கீழ் வழக்குப்பதிவு செய்து, பின்னர் ஜாமீனில் விடுவித்தனர்