தர்மபுரி: நடமாடும் கால்நடை மருத்துவ வாகன சேவை துவக்கம்

தர்மபுரி மாவட்டம் பென்னாகரம் சட்டமன்ற தொகுதிக்குட்பட்ட வட்டார விவசாயிகள், ஆடு, மாடு, கால்நடை வளர்ப்போர் மற்றும் பொதுமக்கள் பயன்பெறும் வகையில் இன்று, தமிழக கால்நடை மற்றும் பராமரிப்புத் துறை மூலம் நடமாடும் கால்நடை மருத்துவ வாகனம் பென்னாகரத்தில் பென்னாகரம் சட்டமன்ற உறுப்பினரும் பாமக கௌரவ தலைவருமான ஜிகே மணி துவக்கி வைத்தார். மேலும், விவசாயிகள் பொதுமக்கள் தவறாமல் இந்தச் சேவையைப் பயன்படுத்திக் கொள்ள வேண்டும். மேலும், அவசர உதவிக்கு 1962 என்ற தொலைபேசி எண்ணைப் பயன்படுத்திக் கொள்ள வேண்டும் என்றும் அறிவுறுத்தினார். மேலும், இந்த நிகழ்ச்சியில் கால்நடை பராமரிப்புத் துறை அலுவலர்கள், பாட்டாளி மக்கள் கட்சி நிர்வாகிகள் என ஏராளமானோர் கலந்து கொண்டனர்.