தர்மபுரி: கோயிலில் நகை, பணம் திருடிய 4 பேர் கைது
நல்லம்பள்ளி அருகே சாமிசெட்டிபட்டி மேல்தெருவை சேர்ந்தவர் முருகேசன் அரசு பள்ளி ஆசிரியர். இவரது வீட்டுக்கு அருகில் முருகன் கோவில் உள்ளது. இந்த கோவிலில் பூட்டு உடைக்கப்பட்டு சாமி கழுத்தில் அணிந்து இருந்த ஒரு பவுன் தங்க சங்கிலி, 1 லட்சத்து 90 ஆயிரம் ஆகியவை கடந்த வாரம் திருட்டு போனது. இது குறித்து தொப்பூர் காவலர்கள் வழக்குப்பதிவு செய்து விசாரணை நடத்தினர். அப்போது முருகன் கோவிலில் திருடியது நல்லம்பள்ளி புதிய காலனியை சேர்ந்த உதயகுமார், மாஸ்கோ, சதீஷ்குமார் , அபிஷேக் ஆகிய 4 பேரை தொப்பூர் காவலர்கள் நேற்று மாலை கைது செய்தனர். அவர்களிடம் இருந்து பணம், தங்க சங்கிலி, 2 மோட்டார் சைக்கிள்களை மீட்டனர். கைதான 4 பேர் மீதும் பல்வேறு வழக்குகள் உள்ளதாக கூறப்படுகிறது.
