விழிப்புணர்வு மாரத்தான் போட்டிக்கான சின்னம் வெளியீடு

தர்மபுரி எலைட் ரோட்டரி சங்கம் & தீபா சில்க்ஸ் இணைந்து நடத்தும் போதைப் பழக்கத்திற்கு எதிரான விழிப்புணர்வு மாரத்தான் போட்டி வருகிற 20-ம் தேதி தர்மபுரியில் நடைபெற உள்ளது. மாவட்ட விளையாட்டு அரங்கம் அருகில் இருந்து தொடங்கி 5 கிலோமீட்டர் தூரம் நடைபெறும் இந்த விழிப்புணர்வு மாரத்தான் ஓட்டப்பந்தயம் போட்டிக்கான சின்னம் வெளியிடும் விழா தர்மபுரி DNC சிட்ஸ் நிறுவன வளாகத்தில் நடைபெற்றது. இந்த நிகழ்ச்சியில் மாரத்தான் ஓட்டப் பத்தயத்துக்கான சின்னத்தை தமிழ்நாடு தனியார் பள்ளி சங்கங்களின் கூட்டமைப்பு மாநில பொதுச் செயலாளரும், தொழிலதிபருமான DNC இளங்கோவன் வெளியிட்டார்.

இதில் ரோட்டரி எலைட் சங்க தலைவர் விஜய் சங்கரன், செயலாளர் டாக்டர் மணிமாறன், வித்திய பூர்ணா, மாரத்தான் ஒருங்கிணைப்பாளர் விக்ரமன், திபா சில்க்ஸ் இயக்குனர் தியாகராஜன், SNS தங்க மாளிகை உரிமையாளர் ராஜசேகர் கலந்து கொண்டனர். இளைய சமுதாயம் போதைப் பழக்கத்திற்கு எதிராக கைகோர்க்க வேண்டும் என்ற நோக்கத்தோடு 2வது ஆண்டாக நடைபெறும் விழிப்புணர்வு மாரத்தான் போட்டியில் வெற்றி பெறும் வீரர், வீராங்கனைகளுக்கு சான்றிதழ், பதக்கம், பரிசு வழங்கப்படும். கலந்து கொள்ள விருப்பம் உள்ளவர்கள் வருகிற 15-ம் தேதிக்குள் www. rcdharmapurielite. in என்ற இணையதளத்தின் மூலம் முன்பதிவு செய்து கொள்ளலாம்.