பெண்ணாடம்: மது பாட்டில்கள் விற்றவர் கைது

கடலூர் மாவட்டம் திட்டக்குடி அடுத்த பெண்ணாடம் சப் இன்ஸ்பெக்டர் தனசேகரன் தலைமையிலான காவல் துறையினர் நேற்று (நவம்பர் 15)  காலை ரோந்து பணியில் ஈடுபட்டு கொண்டிருந்தனர். நந்தப்பாடி பேருந்து நிறுத்தம் அருகே டாஸ்மாக் மதுபாட்டில்களை பதுக்கி வைத்து விற்ற பெ. பூவனூர் சுரேஷ் (வயது 41)என்பவரை கைது செய்து அவரிடமிருந்த மதுபாட்டில்கள் மற்றும் 950 ரூபாய் மற்றும் இருசக்கர வாகனம் ஆகியவற்றை பெண்ணாடம் காவல் துறையினர் பறிமுதல் செய்தனர்.