பண்ருட்டி பகுதியில் பரவலாக மழை

கடலூர் மாவட்டம் பண்ருட்டி மற்றும் அதனை சுற்றியுள்ள பகுதிகளில் இன்று காலை முதல் வெயிலின் தாக்கம் அதிகரித்து கொண்டே வந்தது. இந்த நிலையில் இன்று மாலை பல்வேறு இடங்களில் பரவலாக மழை பெய்தது. இதனால் அப்பகுதியில் வெப்பம் தணிந்து குளிர்ச்சியான சூழ்நிலை நிலவி வருவதால் அப்பகுதியில் உள்ள பொதுமக்கள் மற்றும் விவசாயிகள் மகிழ்ச்சி அடைந்துள்ளனர். இது மட்டும் இல்லாமல் தீபாவளி பண்டிகை என்பதால் பொதுமக்கள் மழையிலும் புத்தாடை மற்றும் வெடிகள் வாங்க கடைவீதியில் குவிந்த வண்ணம் உள்ளனர்.