குழந்தையிடம் நகை பறித்த மூதாட்டி கைது
கடலூர் மாவட்டம், சேத்தியாத்தோப்பு அருகே பெரியகுப்பத்தை சேர்ந்த பிரகாஷ் மனைவி தென்னவள் நேற்று முன்தினம் (செப்.11) இரவு சேத்தியாத்தோப்பு காய்கறி சந்தைக்கு தனது 3 வயது குழந்தையுடன் வந்தார். அங்கு காய்கறி வாங்கிக் கொண்டிருந்த போது அங்கு வந்த மூதாட்டி ஒருவர் குழந்தையின் கழுத்திலிருந்த 2 கிராம் தங்க தாயித்தை பறித்துள்ளார். குழந்தை அலறல் சத்தம் கேட்ட அருகில் இருந்தவர்கள் மூதாட்டியை பிடித்து போலீசில் ஒப்படைத்தனர். விசாரணையில் அவர் சிதம்பரம் அருகே உள்ள டி. நெடுஞ்சேரியை சேர்ந்த பழனிவேல் மனைவி வத்சலா என்பது தெரியவந்தது. இதுகுறித்து குழந்தையின் தாய் தென்னவள் கொடுத்த புகாரில் சேத்தியாத்தோப்பு காவல் துறையினர் வழக்கு பதிந்து வத்சலாவை கைது செய்து 2 கிராம் தாயித்தை பறிமுதல் செய்தனர்.
