கோவை: காவலரின் குடும்பத்திற்கு நிதி உதவி
கோவை மாநகர காவல் ஆணையர் V. பாலகிருஷ்ணன், விபத்தில் உயிரிழந்த காவலர் S. தனுஷ்குமாரின் குடும்பத்திற்கு நேற்று(நவம்பர் 14) மாலை நிதியுதவி வழங்கினார். 11.07.2024 அன்று நடந்த விபத்தில் உயிரிழந்த காவலர் S. தனுஷ்குமாரின் குடும்பத்திற்கு சேலம் மேட்டூர் PRS மற்றும் ஆயுதப்படை காவலர்களின் சார்பாக ரூ.1,81,050/- நிதியுதவி வழங்கப்பட்டது. இந்த நிதியுதவியை கோவை மாநகர காவல் ஆணையர் V. பாலகிருஷ்ணன் நேரில் வழங்கினார். இந்த உதவி காவலர் தனுஷ்குமாரின் குடும்பத்திற்கு பெரும் ஆறுதலாக அமையும் என்று எதிர்பார்க்கப்படுகிறது. காவல் துறையினர் தங்கள் சக ஊழியரின் குடும்பத்திற்கு உதவிக்கரம் நீட்டியது, அவர்களின் ஒற்றுமையையும் சமூக பொறுப்புணர்வையும் வெளிப்படுத்துகிறது.
