போத்தனுார் வழியாக சபரிமலைக்கு சிறப்பு ரயில்
சபரிமலை செல்லும் அய்யப்ப பக்தர்கள் வசதிக்காக, போத்தனூர் வழியாக சிறப்பு ரயில் அறிவிக்கப்பட்டுள்ளது. திருவனந்தபுரம் வடக்கு - பெங்களூரு ரயில் (எண்: 06083), வரும் 12ம் தேதி முதல், ஜன. , 28ம் தேதி வரை செவ்வாய் தோறும் திருவனந்தபுரத்தில் இருந்து, மாலை 6: 05 மணிக்குப் புறப்பட்டு, அடுத்த நாள் காலை 10: 55 மணிக்கு பெங்களூருவை சென்றடையும். இந்த ரயில் புதன்கிழமைகளில், போத்தனுாரை நள்ளிரவு 1: 58 மணிக்கும், திருப்பூரை அதிகாலை 3: 15 மணிக்கும் வந்தடையும். மறு மார்க்கத்தில், வரும் 13ம் தேதி முதல் ஜன. , 29 வரை, பெங்களூருவில் இருந்து மதியம் 12: 45 மணிக்குப் புறப்படும் ரயில் (எண்: 06084) அடுத்த நாள் காலை 6: 45 திருவனந்தபுரத்தைச் சென்றடையும். இந்த ரயில் புதன்கிழமைகளில், திருப்பூரை மாலை 6: 43 மணிக்கும் போத்தனூரை இரவு 8: 15 மணிக்கும் வந்தடையும் என சேலம் கோட்ட ரயில்வே நிர்வாகம் தெரிவித்துள்ளது.
