கோவை: போத்தனூர் வழியாக சிறப்பு ரயில் இயக்கம்

எர்ணாகுளம்-ஹஸ்ரத் நிஜாமுதீன் (தெற்கு டெல்லி) இடையே போத்தனூர் வழியாக சிறப்பு ரயில் இயக்கப்படவுள்ளது. இந்த சிறப்பு ரயில் எர்ணாகுளம் ரயில் நிலையத்திலிருந்து (வண்டி எண்: 06061) நாளை (புதன்கிழமை) மாலை 6.05 மணிக்கு புறப்பட்டு 18-ம் தேதி இரவு 8.35 மணிக்கு ஹஸ்ரத் நிஜாமுதீன் ரயில் நிலையத்தை சென்றடைகிறது. 

இந்த ரயில் ஆலப்புழா, திருச்சூர், பாலக்காடு, போத்தனூர், திருப்பூர், ஈரோடு, சேலம், ஜோலார்பேட்டை, காட்பாடி, ரேணிகுண்டா, கூடூர், ஓங்கோல், விஜயவாடா, வாரங்கல், பல்ஹர்ஷா, நாக்பூர், இடார்சி, போபால், பினா, ஜான்சி, குவாலியர், ஆக்ரா காண்டோன்மென்ட், மதுரா வழியாக செல்கிறது. இந்த ரயில் போத்தனூர் ரயில் நிலையத்திற்கு நாளை இரவு 11 மணிக்கு வருகிறது என தெற்கு ரயில்வே நிர்வாகம் வெளியிட்டிருக்கும் செய்தியில் தெரிவித்துள்ளது.